Кыргыз Республикасынын Эмгек, социалдык камсыздоо жана миграция министрлигине караштуу
Урматтуу кардарлар жана жеке абитуриенттер, Көндүмдөрдү өнүктүрүү фонду (мындан ары – КӨФ) өлкөнүн бардык аймактарында кесиптик лицейлердин, колледждердин жана жеке окуу борборлорунун базасында квалификациялуу адистерди даярдоо жана кайра даярдоо үчүн кыска мөөнөттүү окуу курстарын уюштурат.
КӨФтүн уюштуруучусу Кыргыз Республикасынын Министрлер Кабинети болуп саналат. КӨФтүн негизги максаты – эмгек рыногунун муктаждыктарына туруктуу жана ыкчам жооп кайтарууну колдоо болуп саналат, экономиканын тармактарын иш берүүчүлөрдүн буйругу менен жеке арыз берүүчүлөрдүн, анын ичинде ден соолугунун мүмкүнчүлүктөрү чектелүү адамдарды квалификациялуу окутуу, талап кылынган кадрлар менен камсыз кылуу.
КӨФтүн милдеттери – жумуш берүүчүлөрдүн жана калктын керектөөлөрүнө ылайык жумушчуларды жана адистерди даярдоо (кайра даярдоо), квалификациясын жогорулатууну уюштуруу, ошондой эле Кыргыз Республикасынын эмгек рыногундагы учурдагы тенденцияларга карата профессионалдык жана граждандык кыска мөөнөттүү окуу курстарын уюштуруу.
КӨФтүн функциялары: (1) социалдык мобилизацияны жогорулатуу үчүн окутууну, маалыматтык жардам көрсөтүүнү жана потенциалды өнүктүрүүнүн башка формаларын уюштуруу, бул боюнча билим берүү мекемелери жана башка кызыкдар тараптар менен биргелешкен пландоо жана биргелешкен иш-аракеттерди жүргүзүү, (2) Кыргыз Республикасынын билим берүү мекемелери менен иш берүүчүлөрдүн ортосундагы өз ара аракеттенүүнү күчөтүү, (3) Кыргыз Республикасынын ченемдик укуктук актыларында белгиленген тартипте билим берүү чөйрөсүндө консультациялык-эксперттик кызматтарды көрсөтүү, (4) кесипти тандоо боюнча маалыматтык-консультациялык кызматтарды көрсөтүү жана ар турдуу профессионалдык, граждандык окуу курстарын жана өлкөнун граждандарына башка жардамдарды издөө.
2017-жылдан бери КӨФ аркылуу 29 миңге жакын адистер даярдалган, алардын 69 % ишке орношкон. Сиз ошондой эле жаңы кесиптерди үйрөнө аласыз, же кызматкерлериңиздин квалификациясын жогорулата аласыз, бул үчүн:
– кесипти, окуу аймагын жана окуу жайын тандоо;
– суроо-талап калтырып, Сизге ыңгайлуу курстун графигин макулдашу;
– өзүңүз окутуңуз, же кызматкерди окууга жибериңиз жана курстарга барыңыз.
Приоритеттүү тармактары:
ширетүүчү, бетончу, сантехник, жыгач уста, шыбакчы-сырдоочу ж.б.
ашпозчу, кондитер, наабайчы, кант өндүрүүчү аппараттын оператору ж.б.
тигүүчү, бычмачы, кесүүчү, тигүү жабдууларын оңдоочу устасы ж.б.
кичүү ветеринар, тракторист-машинист, балчы, өсүмдүктөрду багуу, бакча өстурүү ж.б.
чач тарач, визажист, тиричилик техникасын оңдоочу, официант ж.б.
электр куроочу, өнөр жай жабдууларын слесарь-ремонттоочу, электрик ж.б.
ЖК колдонуучусу, ЖК оператору, веб-дизайнер, графикалык дизайнер ж.б.
автослесарь, автоэлектрик, троллейбустун айдоочусу, «С, D» категориясынын айдоочусу ж.б.
жер астындагы өткөөлчү, бургулоочу станоктун оператору, тоо-кен жумушчусу ж.б.
туроператор, гид-экскурсия жетекчиси, портер, мейманкана администратору ж.б.
 |
 |
 |
 |
 |
 |
